Dëbimi i mësuesit turk nga Shqipëria, reagon eurodeputetja: Të hetohet urgjentisht!

Pas dëbimit të mësuesit 42-vjeçar Harun Çelik, nga Shqipëria drejt Turqisë, ka ardhur edhe reagimi i ashpër i eurodeputetes gjermane Rebecca Harms.

Harms kërkon urgjentisht një hetim të pavarur të rastit dhe rasteve të ngjashme të rrëmbimeve të shtetasve turq jashtë vendit.

Kujtojmë se mësuesi turk Çelik, i arrestuar në Shqipëri, pasi akuzohej se kishte tentuar të kalonte me dokumente false, akuzohej nga autoritetet turke si gylenist.

Më herët në lidhje me këtë ngjarje reagoi dhe eurodeputetja Ramona Strugariu si dhe një sërë autoritetesh të tjera.

‘Rrëmbimi i paligjshëm i shtetasit turk Celik nga qeveria Rama shkel të drejtat e njeriut dhe shkel ligjin shqiptar dhe ndërkombëtar, përfshirë konventat e Këshillit të Evropës’, theksonte Initiative of Human Rights and Freedom.