Së fundmi këngëtarja e njohur Jonida Maliqi është një nga emrat më të komentuar në showbizin shqiptar.
Edhe pse prej kohësh në një lidhje me aktorin e humorit Romeo Veshaj, mesa duket video e fundit që u publikua ku Jonida shfaqej në Paris duke u përkedhelur me këngëtarin Flori Mumajesi, gjërat mes saj dhe Romeos nuk janë si më parë dhe ujërat janë trazuar goxha.
Edhe pse asnjëri nga protagonistët nuk ka pranuar asgjë, Jonida i ka habitur të gjithë duke thënë se është single dhe nuk është në asnjë lidhje romantike për momentin.
E ftuar në programin “Shiko kush Luan” këngëtarja u pyet për jetën e saj private.
Në rubrikën “Ndaje ose haje” Jonida u përball me pyetjen: “Si është e vërteta për këtë lidhjen e shumë përfolur? A je single a je me atë? Të vërtetën ose tortën.”
Kështu ajo i ka konfirmuar zërat për një ndarje të mundshme mes saj dhe Romeos duke u shprehur se ajo është single.
Ende nuk dihet nëse shkak për ndarjen është bërë video mes saj dhe Florit por ajo që na ngelet nuk është gjë tjetër vetëm se të presim për një deklaratë tjetër nga ana e protagonistëve të historisë.
