I vunë eksploziv në shtëpi, ky është shefi i Policisë që ra pre e sulmit (FOTO)

Mbrëmjen e djeshme rreth orës 23:50 një shpërthim me eksploziv ka ndodhur në banesën e efektivit të policisë Prelë Milani në Shkodër.

Mësohet se nga ngjarja nuk ka të lënduar ndërsa polici, me detyrë komandant poste në Theth, ishte në shërbim dhe sapo kishte dalë nga banesa, ndërsa brenda ndodhej gruaja dhe vajza e tij.

Sasia e lëndës plasëse e dyshuar si tritol është vendosur në pjesën e pasme të banesës së policit.

Tritoli ka shpërthyer afër një barake ku nuk jeton askush dhe përdoret si magazinë nga familja.

Familjarët pasi Milani është larguar për në punë i kanë bërë të ditur atij se tritoli ka shpërthyer në shtëpinë e tyre ndërsa më pas kanë ardhur ekspertët e policisë duke nisur hetimet për këtë ngjarje të ndodhur në banesën e kolegut të tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Prelë Milani dyshon se sulmi ka ndodhur për shkak të detyrës si efektiv policië dhe si komandant poste në Theth, ndërkohë që pritet edhe konkluzioni i ekspertëve në lidhje me ngjarjen e rëndë që tronditi Shkodrën.