Tronditet Shkodra, shpërthim i fuqishëm me tritol pranë banesës së shefit të policisë (EMRI)

Një ngjarje e rëndë ka ndodhur mbrëmjen e djeshme në lagjen “Guerrile” të  qytetit të Shkodrës.

Mësohet se një sasi lënde plasëse ka shpërthyer prapa banesës së shefit të Stacionit të Policisë Theth, Prelë Milani.

Si pasojë e shpërthimit të fuqishëm nuk ka të lënduar në njerëz por vetëm dëme materiale.

NJOFTIMI ZYRTAR I POLICISE

Më datë 04.01.2020, rreth orës 21:45, në lagje “Guerrile” Shkodër, mbrapa banesës së shtetasit P. M. me detyrë shef i Stacionit të Policisë Theth, Shkodër, ka shpërthyer një sasi lëndë plasëse, për pasojë ka vetëm dëme materiale.

Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.