Detaje të reja/ Hekuri 5 ton i ra mbi kokë punëtorit në Korçë

Të tjera detaje janë zbuluar nga vdekja e punëtorit të Korcës ditën e djeshme. Sipas informacioneve, mësohet se punëtorit i ra në kokë një peshë prej 5 tonësh.

I ndjeri Elvis Josifi punonte në kompaninë që ndërton objektin ku ndodhi ngjarja. Personat e shoqëruar në Policia kanë dëshmuar se 36-vjeçarit i ra mbi kokë një segment metalik që peshonte 5 ton.

Objekti i rëndë i ka çarë kaskën mbrojtëse, duke e dëmtuar në kokë, e duke sjellë për pasojë vdekjen e menjëhershme të tij. Viktima mësohet se ishte i siguruar dhe familja do të përfitojë një vlerë prej 10 mijë lekësh të rinj në muaj nga sigurimi.

Ndërkohë punëtori që mbeti i plagosur në ngjarje paraqitet në gjendje më të stabilizuar, ndonëse ka tri brinjë të thyera.

Në përditësim…