LIGJET E BIZNESIT
Në një dokumentar, paraqiten dy persona të cilët pretendojnë për abuzim seksual nga këngëtari Michael Jackson dhe se mund të ndjekin rrugën ligjore kundër dy prej kompanive të tij.
Këtë vendim e ka dhënë një gjykatë në Shtetet e Bashkuara të Amerikës.
Wade Robson dhe James Safechuck pretendojnë se ishin abuzuar nga këngëtari në fund të viteve ‘80 dhe fillim të viteve ’90 ndërsa qëndronin në fermën e tij “Neverland”. Xhekson vdiq në vitin 2009 por familja e tij i ka mohuar pretendimet. Ata e përshkruanin dokumentarin “Leaving Neverland” si një “linçim publik”.
Një gjykatë e ulët, kishte hedhur poshtë paditë e sjella nga dy personat në vitin 2014 sepse statuti i kufizimeve në Kaliforni kërkonte që pretendimet e abuzimit seksual të fëmijëve të paraqiteshin para ditëlindjes së 26-të të një akuzuesi. Sidoqoftë, një ligj i ri, i cili hyri në fuqi më 1 Janar, shtrin afatin kohor deri në ditëlindjen e 40-të të një personi.
Të dy Z. Robson dhe Safechuck pretendojnë se ishin abuzuar nga Xhekson nga moshat 7 dhe 10 vjeç. Vince Finaldi, avokati i të dy personave, tha në një deklaratë pas vendimit: “Ne jemi të kënaqur që Gjykata ka njohur ligjet e forta që California ka vendosur në vend për viktimat e abuzimit seksual sipas ligjit të ri të shtetit që zgjat statutin e kufizimeve”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Howard Weitzman, avokat për pasuritë e Xheksonit, tha: “Vendimi i Gjykatës së Apelit thjesht ringjalli paditë kundër kompanive të Michael Jackson, të cilat në mënyrë absurde pretendojnë se punonjësit e Michael janë në një farë mënyre përgjegjës për abuzimin seksual, gjë që nuk ka ndodhur kurrë”.
