LIGJET E BIZNESIT
Gjykata e Tiranës ka zbardhur vendimin për ish-deputetin Ervin Salianji, i cili u dënua me 1 vit burg pasi u shpall fajtor për “kallëzim të rremë”.
Në vendimin e gjykatës thuhet se Salianji u përfshi në kallëzin të rremë për interesa politike.Gjithashtu ka detaje të reja ku thuhet se më 4 tetor 2017 Albert Veliu dhe Salianji janë takuar ndërsa më 20 tetor 2017 kanë biseduar për rreth 17 sekonda.
Takimi mes Veliut dhe gazetarit Jetmir Olldashi i cili publikoi dhe audiopërgjimin është realizuar përmes Ervin Salianjit. Masa arrest me burg për ish-deputetin do të ekzekutohet pas hekurave, pasi ka rënë kërkesa e Prokurorisë për ta konvertuar në “shërbim prove”. Ndërkohë Penalja e Tiranës ka dënuar me 3 vite e 5 muaj burg Albert Veliun dhe 2 vite burg për Fredi Alizotin.
Për gazetarin Jetmir Olldashi gjykata ka vendosur dënimin e tij me 6 muaj burg të konvertuar në 100 orë shërbim komuniteti. Sipas gjykatës ka pasur komunikime mes të pandehurve para dhe pas përgjimeve. Përveç audiopërgjimeve ata nuk i lidh asgjë me njëri-tjetrin.
“Fredi Alizoti stimuloi zërin e Agron, Geron Xhafës në janar 2018. Mes të pandehurve Veliu, Alizoti, Salianji, Jetmir Olldashi ka komunikime të shpeshta para e pas veprës penale. Pas publikimit të audio- përgjimit ka biseda kompromentuese. Salianji realizoi takimin e Babales me gazetarin Olldashi. Në tetor 2017 Albert Veliu ka takuar Ervin Salianjin. Nga tabulatet rezulton se zërin e Agron Xhafës e bëri Alizoti. Nuk ka asnjë shpjegim tjetër komunikimet e tyre të shpeshta veç përfshirjes në audiopërgjim pasi nuk kanë lidhje farefisnore me njëri-tjetrin. Kjo veprimtari e kallëzimit të rremë nuk mund të konsiderohet e kryer brenda fushës së ushtrimit të funksionit politik të deputetit apo ushtrimit të lirisë së shprehjes,”-shkruhet ndër të tjera në vendimin e Gjykatës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
