Sherr i dhunshëm mes shqiptarëve dhe nigerianëve në Itali

Një sherr serioz midis dy shtetasve me kombësi nigeriane dhe dy shtetasve me kombësi shqiptare ka ndoshur pasditen e djeshme në Torino të Italisë. Konflikti ka ndodhur në rrugën Corso Giulio Cesare dhe ende nuk dihen motivet e sherrit.

Burimet bëjnë me dije se të dy nigerianët kanë precedentë penal, ndërsa për sa u përket shqiptarëve, vetëm njëri prej tyre ka precedent të ngjashëm.

Policia njoftoi se gjatë sherrit u përdorën edhe armë të ftohta. Përdorimi i disa kaçavidave shkaktoi lëndime tek tre prej tyre që përfunduan në Repartin e Emergjencave të Spitaleve San Giovanni Bosco dhe Gradenigo. Pas trajtimit, tre prej katër personave të përfshirë në sherr iu vunë prangat nga karabinierët dhe u shoqëruan në polici.

Njëri prej tyre mbeti në spitalin e San Giovanni Bosco për shkak të legenit dhe nofullës së thyer, raporton ‘NOA.al’. Nuk dihet nëse është me kombësi shqiptare apo nigeriane.

Vazhdojnë hetimet për të zbardhur dinamikën e grindjes së dhunshme.