LIGJET E BIZNESIT
Reagime të shumta ka sjellë dëbimi nga ana e autoriteteve shqiptare të shtetasit turk, Harun Çelik. Jo vetëm mediat, por edhe ekspertë të ndryshëm të Ballkanit Perëndimor, kanë reaguar për këtë çështje delikate.
Një prej tyre është dhe eksperti i Marrëdhënieve Ndërkombëtare në Shtetet e Bashkuara të Amerikës, Alon Ben-Meir.
Ndërkaq, përmes një postimi në rrjetin social Facebook, Prof. Ben-Mer, shprehet se dëbimi i mësuesit turk është një gabim. Kjo për faktin e vetëm se Edi Rama është pranë Erdoganit.
“Edi Rama, e dimë që ti je shumë afër Erdoganit, turp të kesh”, është shprehur eksperti Aron Ben-Meir
Ndërkohë, kujtojmë që në ditën e parë të vitit 2020, autoritetet shqiptare dëbuan mësuesin turk, ku si shkak ishte fakti se nuk dispononte dokumentacion të rregullt. Por aludimet e shumta kanë të bëjnë me faktin se personi kishte lidhje me rrjetin e imamit shumë të kërkuar në Turqi, Fetullah Gylen.
