Një sulm ka ndodhur mesnatën që sapo lamë pas në ambasadën e Malit të Zi në Beograd.
Mediat vendase raportojnë se huliganët kanë tentuar të djegin flamurin.
Turma e mbledhur përpara ambasadës, ka sulmuar flamurin, i cili është zëvendësuar menjëherë nga ambasada. Ashtu si shihet edhe nga fotot, tashmë në ambasadë po valvitet një tjetër flamur malazez.
Mediat malazeze shkruajnë: As Numan Pasha Cuprilic dhe as Omer Pashë Latas nuk mundën ta shkatërrojnë, e lëre më turma që u mblodh në Terazije sonte para Ambasadës së Malit të Zi në Serbi.
