LIGJET E BIZNESIT
Pasi u shpall fituese në Festivalin e 58-të të Këngës, Arilena Ara është larguar drejt Amerikës. Ndonëse fitorja e saj pati polemika dhe shumë reagime, Arilena nuk duket e shqetësuar. Siç mund të shihet edhe në fotot e postuar nga vetë këngëtarja, është duke shijuar jetën në Los Angeles, ku ka festuar edhe natën e ndërrimit të viteve.
Këngëtarja ka ndarë me fansat momente nga festa e natës së Vitit të Ri, ku në një video të publikuar, në të cilën shfaqet duke kërcyer, ajo shkruan se po feston jetën.
Ndërkohë në InstaStory postoi video, ku shihet nën shoqërinë e menaxherit të saj Popi Kola, me të cilin shihet duke u përqafuar dhe puthur në faqe. Mediat rozë prej shumë kohësh kanë aluduar se mes tyre ka nisur një lidhje dashurie. Vetë këngëtarja nuk e ka pranuar diçka të tillë.
