Këngë dhe valle në Shishtavec, emigrantët gjallërojnë fshatin për Vitin e Ri

Fshati i Shishtavecit në Kukës, ka marrë të tjera ngjyra në fund vit. Kthimi i emigrantëve, ka gjallëruar fshatin teksa 202-ën e kanë pritur ndryshe nga vitet e tjera. Ndërkohë që emigrantët janë kthyer në atdhe për të festuar me familjarët e tyre Vitin e Ri, i kanë dhënë më shumë jetë këtij fshati i cili në stinën e dimrit, është i veshur nga dëbora.

Një kartoline festive, i ngjajnë pamjet nga Shistaveci, ku të rinjtë hedhin valle dhe këndojnë këngë tradicionale në qendër të fshatit, urojnë njëri-tjetrin për një vit sa më të mbarë. Gëzimit të emigrantëve i janë bashkuar edhe banorë të fshatit.

Qarku i Kukësit ka qenë dhe ndër më të prekurit nga emigrimi i të rinjve drejt vende të Bashkimit Europian duke ulur dhe numrin e popullsisë në këto zona. Por fundi i vitit dhe muaji Gusht është periudha ku emigrantët vendosin të kthehen në Shqipëri tek familjarët e tyre, duke i dhënë dhe një gjallëri të munguar këtyre fshatrave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern