LIGJET E BIZNESIT
Dikur milioneri David Glashin kishte në pronësi të tijën një kompani e cila merrej me gërmimet e arit në Papa Guinean e Re.
Në atë kohë ai gëzonte një bashkëpunim të fortë me biznesmenët më të njohur në botë.
Mirëpo pas një ‘stuhie’ në bursën e vitit 1987, ai e humbi pjesën më të madhe të pasurisë.
Pasi u përball dhe me braktisjen e së shoqes, atëherë Glashin vendosi të shkojë në një ishull të vogël në verilindje të Australisë, ku i bënte shoqëri vetëm qeni.
“Dua të vdes këtu. Është parajsa ime në tokë. Kur erdha në ishull kam qenë i dhënë shumë pas parasë. Paraja i helmon njerëzit, e për shkak të tyre u shkatërrua martesa ime”, ka shpjeguar David në filmin dokumentar që flet për jetën e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ish-milioneri e pranon ndonjëherë faktin se i mungojnë në disa raste bisedat me njerëz dhe shprehet se do dëshironte ndonjëherë që dikush ta vizitonte.
Gjithçka është ndryshe nga jeta që e bënte dikur kur i kishte 37 milionë dollarë. Sidoqoftë, thotë se 22 vitet e kaluar në ishull e kanë “përmirësuar”.
Në anën tjetër, autoritetet australiane dëshirojnë ta largojnë nga ky ishull, por David është i vendosur që pjesën tjetër të jetës ta kaloj aty dhe shtrohet pyetja nëse do t’ia arrij qëllimit.
