LIGJET E BIZNESIT
Një tragjedi e përmasave të mëdha mund të quhet ajo që ka ndodhur në një familje shqiptare në Australi.
Paraditen e datës 31 dhjetor, babai ka qëlluar për vdekje vajzën e tij dhe dhëndrin e më pas veten.
Ngjarja ka ndodhur në Melbourne të Australisë, ndërkohë që janë mësuar dhe emrat e viktimave të cilët janë: Veton dhe Lindita Musai, 29 dhe 25 vjeçe ndërsa babai i vajzës quhet Osman Shaptafaj.
Mediat australianë kanë bërë me dije se ngjarja tragjike ka ndodhur në orën 10:30 të paraditës, ku autori ka shkuar në banesën e dy të rinjve të cilët një natë më parë kanë festuar përvjetorin e parë të martesës.
Aty 55-vjecari ka qëlluar të bijën bashkë me të shoqin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për fat të keq vajza ka ndërruar jetë në vend ndërsa Vetoni në spital.
Dëshmitarët bëjnë me dije se fillimisht babai i ka vënë armën në gjoks dhëndrit e më pas e ka kthyer duke qëlluar edhe veten.
Trupat u gjetën në hyrjen përpara banesës së tyre dhe një armë është konstatuar në fund të rrugës ku banonin.
Babai i Lindita Musai, 55-vjeçari Osman Shaptafaj, është akoma në gjendje kritike në spital me plagë arme pasi qëlloi veten pas krimit. Ai jetonte në Altona North.
Hetuesit tani janë duke u përpjekur të gjejnë se çfarë e shtyu burrin të hapte zjarr mbi të bijën dhe dhëndrin. Policia vendase tha se pistë paraprake për ngjarjen është një mosmarrëveshje familjare.
Edhe në rrjetet sociale ka reagime të shumta për dhimbjen e madhe që po kalon kjo familje.
Shokët e pikëlluar nga dhembja kanë postuar “Ngushellime”, në shqip dhe “Një çift i tillë i mrekullueshem, mu thye zemra..Pse ???”
Kushëriri i djalit ndau pikëllimin e tij në Facebook pasi 29-vjeçari vdiq në spital.
“Unë nuk e di se si t’i gjej fjalët. Allahu e di më së miri pse gjërat ndodhin ashtu siç ndodhin”, e nis ai fjalën e më pas shton se ‘as nuk mund të përshkruaj si ndjehem. E vetmja gjë që na mban të fortë është besimi në Zot. Se si babai mund t’ja marrë jetën vajzës së tij, është përtej logjikës… Por djalli me të vërtetë qenka midis nesh.Allahu i bashkoftë të dy shpirtrat e mrekullueshëm përsëri në Xhenet.’, shkruan ai.
