E rëndë/ Hyn për të pirë kafe, i riu humb jetën në mes të lokalit (EMRI)

Një ngjarje e rëndë ka ndodhur në Përrenjas.

Mësohet se një 24-vjeçar ka humbur jetën në rrethana ende të paqarta.

Sipas informacioneve, i riu M.Allhidri ka ndërruar jetë sapo ka hyrë në një bar-kafe në qytetin e Përrenjasit.

Dëshmitarët bëjnë me dije se i riu ka hyrë në lokal duke porositur kafe.

Ende pa marrë porosinë ai ka rënë nga karrigia në dysheme duke humbur ndjenjat.

Më pas ai është transportuar për në spitalin e Përrenjasit, por pavarësisht ndihmës mjekësore nuk ka mundur të mbijetojë.

Dyshohet se shkak i vdekjes së të riut mund të jetë ataku kardiak, i favorizuar edhe nga temperaturat e ulëta.

Ndërkohë policia dhe grupi hetimor vijojnë punën për zbardhjen e plotë të ngjarjes.