U morën me dashuri të madhe por gjithçka përfundoi, këto janë ndarjet më të bujshme VIP në 2019

Edhe pse viti 2018 ishte plot martesa për personazhet e njohur të skenës shqiptare, viti pasues 2019 nuk do të ishte aspak kështu.

Gjatë 365 ditëve të tij u shënuan disa ndarje të bujshme mes cifteve të showbizit shqiptar.

Një prej tyre ishte dhe fundi i martesës midis Robert Berishës dhe Nora Istrefit, të cilët janë dhe prindër të një vajze Renee.

Pikërisht në momentin që ata dukeshin të dashuruar dhe me lidhje të konsoliduar krah njëri-tjetrit erdhi lajmi se ata u ndanë.

Ky fakt u konfirmua dhe nga të dy, të cilët u shprehën se do të ruanin marrëdhënie sa më të mira për hir të vogëlushes së tyre.

Një tjetër ndarje e komentuar ishte pikërisht ajo e Arbana Osmanit me bashkëshortin e saj Ardit Keron, me të cilin ka edhe një djalë, Jonin. Çifti u nda në heshtje duke qenë se ish-partneri i moderatores nuk është figurë publike, por qe lidhja e saj e re me regjisorin Eduart Grishaj që nxori në pah këtë ndarje.

Edhe Stresi me Kejsin zgjodhën t’i jepnin fund fejesës, pasi reperi la qelinë, edhe partnerja e tij e kishte mbështetur përgjatë periudhës së izolimit duke ndarë vazhdimisht në rrjete sociale, foto nga marrëdhënia e tyre.

Rudina Dembacaj dhe babai i vajzës së saj, Aleksi u ndanë si pa kuptuar, ndërsa moderatorja dhe aktorja e humorit tashmë përflitet për një lidhje me ish-deputetin Mark Frrokaj.

Po ashtu edhe çifti që u kurorëzua në  Reality Shoë, Big Brother, Fotinia dhe Danjeli zgjodhën t’i japin fund martesës pas dy vitesh. Çifti Fotini dhe Danjel u shpallën fitues të “Big Brother Albania” 9 në vitin 2017, ku dhe u njohën.