Një shpërthim i fuqishëm tronditi sot Lushnjen, nga ku mbeti i plagosur kryebashkiaku Fatos Tushe dhe sekretarja Erisa Qalliu.
Mësohet se autori i atentatit është ish-shoferi i Tushes Gëzim Saraçi, i cili ka vendosur një granatë në zyrën e kryebashkiakut, pasi prej kohësh ishin në një konflikt së bashku.
Fillimisht ish-shoferi është ngjitur normalisht në zyrën e kryebashkiakut.
Aty ka nisur të debatojë me sekretaren dhe më pas kryebashkiaku ka dëgjuar të gjithë sherrin sepse sekretarja nuk e ka lejuar ish-shoferin të hynte në zyrën e kryetarit, i cili e ka hedhur granatën në tension e sipër.
Në momentin që Tushe ka dalë nga zyra, granata ka shpërthyer, duke e plagosur së bashku me sekretaren.
Të dy janë shtruar në spitalin e Lushnjes, ndërkohë që mësohet se sekretarja ndodhet në gjendje të rëndë shëndetësore, ndërsa Tushe është jashtë rrezikut për jetën.
Ndërkohë ashtu sic duket edhe nga fotot, Drejtori i Përgjithshëm i Policisë Ardi Veliu dhe Drejtori i Departamentit të Policisë Kriminale Tonin Voci kanë mbërritur me urgjencë në vendin e ngjarjes.
Aktualisht është ndërprerë i gjithë aktiviteti në Bashkinë e Lushnjes dhe policia së bashku me grupi hetimor po punon për zbardhjen e plotë të rrethanave të ngjarjes së rëndë.
