Celulari shpërthen në karikim, gruaja që po flinte digjet e gjallë gjatë natës

Një grua ka gjetur vdekjen në mënyrë të tmerrshme, pasi është djegur e gjallë.

Ngjarja e rëndë ndodhi teksa celulari ishte në karikim, çka shkaktoi djegien e shtëpisë së drurit ku ajo flinte.

33-vjeçarja Nisachol Sawasdiëong dhe i shoqi i saj Yothin, 36 vjeç, ishin bashkë duke fjetur, kur zjarri përfshiu papritur shtëpinë e tyre në Nakhon Si Thammarat, të Tajlandës, mëngjesin e së enjtes që lamë pas.

Yothin arriti që të dilte nga shtëpia para se të humbte ndjenjat, ndërsa e shoqja u bllokua mes zjarrit. Zjarrfikësit e shuan zjarrin, por gruaja u gjet e karbonizuar.

Ndërkohë burri u dërgua në spital, ku ndodhet në gjendje të rëndë. Nga verifikimet e kryera rezultoi se zjarri ra për shkak të një shkëndije elektrike, gjatë karikimit të celularit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern