Një intervistë për KosovaPress, lideri i Aleancës për Shqiptarët në Maqedoninë e Veriut, Ziadin Sela, ka reaguar ndaj nismës rajonale, të quajtur minishengen ballkanik, është skandal për faktorin politik shqiptar kudo që jeton.
Sipas tij kjo nismë shtë skandal për faktorin politik shqiptar kudo që jeton, pasi Serbia po i mundëson Rusisë të shtrihet në vendet e rajonit, ndërkohë që shqiptarët vazhdimisht bënin përpjekje të largonin influencën ruse nga Ballkani.
Sela thotë se kjo nismë rajonale, krahas zhvillimeve të fundit, dhe deklaratave të kryeministrit të Shqipërisë Edi Rama, ka bërë të shqiptarët të flasin me vete dhe të ndjehen të irrituar.
Ai thotë se qëndrimi i faktorit politik në Kosovë krahas kësaj nisme, duke refuzuar pjesëmarrjen, është i drejtë, meqë ende ka plagë të pashëruara të shqiptarët.
Ai tha se nuk mund të pritet përkrahje e nismave të tilla nga ana e shqiptarëve derisa Serbia nuk kërkon falje publike për gjenocidin e kryer.
“Duhet dëmshpërblim për Kosovën nga ana e shtetit serb, kërkim-falja dhe njohja e Pavarësisë së Kosovës, atëherë mund të ulet të bisedohet për nisma rajonale”, shtoi Sela.
