17-vjeçari Joseph Lunn edhe pse i diagnostikuar me kancer dhe i detyruar t’i kalojë festat e fundvitit në spital, nuk ndalon së buzëqeshuri.
I riu është diagnostikuar me kancer dhe sipas mjekëve ka vetëm një muaj jetë. I riu nga Londra vuan nga një lloj i pashërueshëm i kancerit që prek një në një milion njerëz.
Mbi Joseph-in janë kryer 4 operacione, por duket se tumori në barkun e tij po e shpien në një rrugë pa kthim; atë drejt vdekjes.
Pavarësisht kësaj, babai i tij, Dave tregon se të birit nuk i është larguar kurrë buzëqeshja nga fytyra.
“Ne nuk besojmë se përfundimi do jetë pozitiv, por buzëqeshja e tij është gjëja që po na bën të gjithëve të fortë. Ai duke qenë kaq pozitiv na ndihmon edhe ne si prindër.”
