Kishte fshehur në bodrum 26 fëmijë, arrestohet pronarja e kopshtit privat (EMRI)

Pronarja e një kopshti privat për fëmijë ka rënë në prangat e policisë gjatë ditës së sotme, pasi gjatë një kontrolli i janë gjetur 26 fëmijë të fshehur në bodrumin e kopshtit.

Ngjarja ka ndodhur në Kolorado të Shteteve të Bashkuara të Amerikës, ndërsa nga mediat e huaja mësohet se e arrestuara është Karla Fejth, 58 vjeç. Sipas informacioneve, ajo kishte marrë licencë për të mbajtur vetëm 6 fëmijë në kopsht, por ka thyer rregullat duke shtuar edhe 26 të tjerë. Duke qenë se kishte dyshime për diçka të tillë, inspektorët e vizitonin shpesh kopshtin e saj për të zbuluar si qëndronte e vërteta.

Por në këtë moment 58-vjeçarja i fshihte të vegjlit në një bodrum të krijuar me një mur të rremë. Por gjithçka u zbulua kur policia bëri një vizitë të papritur dhe gjeti 26 fëmijët e fshehur në errësirë. Pronarja dhe tre mësueset janë arrestuar me akuza që nisin që nga vënia e fëmijëve në rrezik, e deri te përpjekjet për të ndikuar një punonjës publik.