Ditën e sotme presidenti Ilir Meta ka vlerësuar me titullin e lartë “Për Merita të Veçanta Civile”, mjekun Grei Malo, heroin që doli në terren menjëherë pasi Shqipëria u godit nga tërmeti i 26 nëntorit, nga ku shpëtoi dhe shumë jetë njerëzish të mbetur nën rrënoja te zonat e prekura.
Meta thekson se mjeku Malo spikati me kontributin e tij të veçantë humanitar si anëtar i Qendrës Vullnetare të Emergjencave Civile, për shpëtimin e të riut Klajdi Qato.
“Mirënjohje Grei Malos që dha një shembull të jashtëzakonshëm të sakrificës dhe profesionalizmit, duke na bërë krenarë dhe gëzuar respektin e të gjithë shqiptarëve!
Mirënjohje të gjithë anëtarëve të Qendrës Vullnetare të Emergjencave Civile”, u shpreh presidenti.
