Shkaktoi zjarrin e fuqishëm në pikën e karburantit në Tiranë, arrestohet 24-vjeçari

Zjarri i fuqishëm dje në pikën e karburantit në afërsi të Kombinatit në Tiranë, është shkaktuar nga një aksident.

Ishte një një 24-vjeçar, i identifikuar nga policia me inicialet M.B, i cili duke drejtuar një motoçikletë pa patentë, është përplasur me bombolën e gazit të karburantit e cila ka shkaktuar më pas edhe flakët gjigante të cilat alarmuan banorët

I riu u largua nga vendi i ngjarjes, ndërsa është arrestuar më pas nga efektivë të komisariatit nr.6. Mbi të rëndojnë akuzat e shkatërrimit të pronës, largim nga vendi i aksidentit si dhe drejtim i automjeteve në mënyrë të parregullt.

NJOFTIMI ZYRTAR I POLICISE

Nga specialistët për hetimin e krimit në Komisariatin e Policisë Nr. 6 u arrestua në flagrancë, për veprat penale “Shkatërrim i pronës”, “Largim nga vendi i aksidentit” dhe “Drejtim i automjeteve në mënyrë të parregullt”, shtetasi M. B., 24 vjeç, banues në Tiranë, pasi në Kombinat, duke drejtuar pa leje drejtimi një motoçikletë ka humbur kontrollin duke u përplasur me bombolën e gazit të një karburanti, e cila shërbente për furnizimin me gaz të automjeteve, duke shkaktuar rrjedhje të saj dhe më pas djegien e gjithë pikës së karburantit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern