U largua nga shtëpia, Policia gjen me dronë të moshuarën pas 24 orësh

Policia ka gjetur pas 24 orësh një të moshuar që ishte larguar nga shtëpia dhe kishte humbur kontaktet me familjarët.

Në një njoftim për mediat, Policia bën me dije se shtetasja V.F., 74 vjeçe, ishte larguar nga banesa e vajzës së saj në fshatin Hundkuq. Sot ajo është zbuluar me anë të dronit dhe ishte fshur mes shkurreve në pyllin afër fshatit.

NJOFTIMI I PLOTË

Largohet nga banesa e moshuara me probleme të shëndetit mendor, gjendet fal kërkimeve me dron nga ana e Policisë. Mesditën e djeshme shtetasja V.F., 74 vjeçe, banuese në Tepelenë, është larguar nga banesa e vajzës së saj në fshatin Hundkuq, Gjirokastër.

Të afërmit e shtetases së mësipërme sapo kanë konstatuar mungesën e saj në banesë, kanë kërkuar ndihmën e policisë për ta gjetur. Shërbimet e Komisariatit të Policisë Gjirokastër, pas njoftimit të marrë për largimin nga banesa të shtetases V.F., kanë nisur kërkimet në terren duke përdorur dronin e Policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ditën e sotme, nëpërmjet dronit është bërë lokalizimi dhe gjetja e shtetases V.F., në pyllin e fshatit Hundkuq. Familjarët e shtetases V.F, kanë falënderuar efektivat e Policisë për angazhimin dhe gjetjen e nënës së tyre. #policianesherbimtekomunitetit