Ditën e sotme pas një aksioni të befasishëm policia e Korçës ka vënë në pranga 4 të rinj pasi janë kapur me lëndë narkotike në makinë.
Sipas njoftimit zyrtar mësohet se janë arrestuar 4 të rinj, të cilët kanë patur me vete 4.6 lëndë të dyshuar narkotike.
Tre prej të arrestuarve janë banorë të Xhafzotaj, ndërsa tjetri në Tiranë.
NJOFTIMI ZYRTAR I POLICISE
Korçë
Specialistët për Hetimin e Narkotikëve në Drejtorinë Vendore të Policisë Korçë, bënë arrestimin në flagrancë të shtetasve:
- J., 27 vjeç, banues në fshatin Xhafzotaj, Shijak.
- J., 32 vjeç, banues në Xhafzotaj, Shijak.
- U., 24 vjeç, banues në Xhafzotaj, Shijak.
- T., 28 vjeç, banues në Babrru, Tiranë.
Arrestimi i tyre u bë pasi, nga informacione të siguruara në rrugë policore, si edhe gjatë kontrollit që shërbimet e Policisë kanë ushtruar në hyrje të qytetit të Korçës, në mjetin tip “Peugeot”, me drejtues shtetasin E.T., me të cilin këta shtetas po udhëtonin, iu gjet dhe sekuestrua në cilësinë e provës materiale 4,6 kg lëndë e dyshuar narkotike kanabis.
Materialet i kaluan Prokurorisë pranë Gjykatës së Shkallës së Parë Korçë për veprën penale “Prodhimi dhe shitja e narkotikëve, kryer në bashkëpunim”.
