Policia e Shtetit ka vijuar operacionet për parandalimin e hedhjes në treg të lëndëve piroteknike, fishekzjarrëve dhe përdorimit civil, që rrezikojnë sigurinë publike, jetën dhe shëndetin e qytetarëve.
Gjatë kësaj jave janë ushtruar kontrolle dhe si rezultat janë kontrolluar gjithsej 1592 subjekte (dyqane të ndryshme, markete apo supermarkete), si dhe tregje të shumicës, ku janë konstatuar mallra fishekzjarrë apo lëndë piroteknike.
Nga operacioni janë sekuestruar në total 4600 kapsolla dhe 51 fishekzjarrë me fuqi të lartë shpërthyese.
Në Kukës, gjatë kontrollit të ushtruar nga, në dyqanin e shtetasit G. G., 51 vjeç, banues në Kukës, u gjetën dhe u sekuestruan në cilësinë e provës materiale 4508 kapsolla dhe 51 fishekzjarrë me fuqi të madhe shpërthyese.
Ndërkohë edhe në lushnjë policia ka evidentuar dy raste ku janë gjobitur me një shumë të konsiderueshme parash. Policia fton të gjithë qytetarët te denoncojnë raste të shitjes së lëndëve plasëse.
