Qytetarët protestojnë në Tiranë, Vuçiç, Gjykanoviç dhe Zaev vizitojnë zonat e prekura nga tërmeti në Durrës

Të shoqëruar nga kryeministri Edi Rama, liderët e rajonit kanë vizituar sot zonat e prekura nga tërmeti në Durrës.

Presidenti i Serbisë, Aleksandër Vuçiç, Presidenti i Malit të Zi, Milo Gjykanoviç dhe Kryeministri i Maqedonisë së Veriut, Zoran Zaev, kanë parë nga afër rrënojat dhe kanë dëgjuar planin për strehimin e tyre nga qeveria.

Tre liderët e rajonit ndodhen në Shqipëri për takimin e tretë të “Mini-Shengenit”, hedhjen e hapave të një marrëveshjeje rajonale për lëvizjen e lirë të njerëzve dhe mallrave.

Kujtojmë që ditën e djeshme presidenti serb Vuçiç u prit me protesta në Tiranë ditën e mbërritjes, protestë që vazhdon edhe sot.