LIGJET E BIZNESIT
Gazeta “Mapo” nuk do të jetë më pjesë e shtypit të shkruar. Lajmin e ka bërë me dije karikaturisti Bujar Kapexhiu, i cili kishte një hapësirë tijën satirikë në gazetë.
Me anë të një statusi në Facebook, Kapexhiu ka falenderuar të gjithë ata që e kanë pëlqyer artin e tij duke u treguar shpresëplotë se gazeta do të rikthehet sërish në treg.
“Gazeta MAPO nuk do të shihet më me lexuesin e saj. Lexuesi nuk do të prekë më letrën e faqeve të saj, ndoshta kjo mund të jetë e përkohshme. Lus Zotin të jetë kështu! Megjithatë, unë, për të mos humbur e për të mos u larguar nga të gjithë miqt e mi që kam pasur gjatë kësaj kohe e që mund të shtohen në vazhdimësi, do të vazhdoj bashkëpunimin me ju nëpërmjet karikaturës e zhanreve të tjera, si anekdota, shkrime humoristike, poezi humoristike e satirike për probleme të ndryshme, sidomos aktuale. Me këtë rast ju informoj dhe për një hap të ri në komunikimin që mund të bëjmë së bashku. Nëpërmjet këtij Facebook-u personal studioja jonë artistike do të pranojë me kënaqësi e do të realizojë me cilësi çdo kërkesë të miqve tanë për karikatura miqësore të llojeve të ndryshme, për raste festash, dasma, datëlindje etj. etj,“-shkruan ndër të tjera Kapexhiu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
