Një ngjarje e rëndë ka ndodhur mëngjesin e sotëm në Korçë.
Mësohet se një 45-vjeçar është gjetur i pajetë rreth orës 07:15 në fshatin Mborje.
Sipas informacioneve ai është shtetasi Flamur Duci, trupi i të cilit ndodhej pranë lokalit në pronësi të tij.
Kanë qenë fillimisht bashkëfshatarët ata që e kanë konstatuar trupin e viktimës dhe kanë lajmëruar policinë.
NJOFTIMI ZYRTAR I POLICISE
Më datë 19.12.2019, rreth orës 07.15, jemi njoftuar se në fshatin Mborje, pranë lokalit të tij është gjetur i pajetë nga bashkëfshatarët, shtetasi F.D., rreth 45 vjeç.
Grupi hetimor ka mbërritur menjëherë në vendngjarje dhe po punon për zbardhjen e rrethanave të ngjarjes.
