LIGJET E BIZNESIT
Kryeministri Edi Rama falenderoi ditën e djeshme, eskpertin e OSBE, Harlam Desir, me të cilin sipas Ramës është dakordësuar 100% paketa Anti-Shpifje.
Harlem Desir, ka qenë ish-sekretar i parë i Partisë Socialiste franceze. Kur kjo parti po njihte ditët më të zeza, ai arriti të sigurojë një nga postet më të mira në OSBE. Më të mira sidomos sa i përket pagesës. Gazeta ‘L’Opinion’ në Francë shkruan se ai merr plot 122.195 euro në vit, të pataksuar.
Ndërkohë media franceze prestigjioze l’OBS dhe gazeta Figaro kanë shkruar para disa vitesh shkrime për dënimin e Harlem Desir me 18 muaj burg dhe 30 mije franga gjobë. Harlem Desir ka qënë për një kohë të shkurtër edhe drejtues i PS franceze dhe tani shfaqet më shumë si një socialist francez, që sot ka marrë përsipër të mbështesë Edi Ramën për të vendosur censurën e medias on line në Shqipëri, ndryshe nga c’ndodh në të gjithë vëndet e tjera anëtare të OSBE, madje edhe në Maqedoninë fqinje.
Teksa për Maqedoninë e Veriut, Desir ofron vetërregullim të medias dhe i përshëndet këto nisma, ai në Shqipëri përkrahu një projektligj që ka tronditur të huajt dhe vendas.
Këshilli i Europës ka lëshuar një prej deklaratave më të forta të bëra ndonjëherë kundër nismës së Edi Ramës, përmes Komisioneres për të Drejtat e Njeriut, Dunja Mijatoviç.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më vonë, Komisioni Europian kërkoi që Shqipëria t’i referohet Këshillit të Europës për çështjen e projektligjeve, duke shprehur pakënaqësinë me mungesën e reflektimit nga qeveria shqiptare.
Media shqiptare ka hedhur dyshime të forta se qëndrimi i papritur i Harlem Desir vjen për shkak se ai kërkon një mandat të dytë në OSBE dhe i nevojitet vota e Qeverisë shqiptare, që gjithashtu në vitin 2020 mban Presidencën e OSBE.
Më poshte jepet shkrimi i l’OBS:
Duke zgjedhur Harlem Désir si sekretar të parë, Partia Socialiste ka vendosur në krye të saj një njeri të dënuar nga drejtësia. Mes viteve 1986 e 1987, kur Harlem Desir ishte president i shoqatës SOS Racisme, merrte 10,500 franga në muaj nga një shoqatë tjetër jo qeveritare, nga Shoqata Rajonale për Trajnimin dhe Edukimin e Mërgimtarëve, me qendër në Lille. Për shkak të kryerjes së këtij aktiviteti të padeklaruar, Harlem Desir u dënua më 17 dhjetor 1998 me 18 muaj burgim dhe 30,000 franga gjobë për fshehje të abuzimit me pronën shoqërore.
Marrë nga/(faxweb.al)
