Gjatë një takimi me banorët e prekur nga tërmeti i 26 nëntorit, kryeministri Edi Rama ka nisur të debatojë edhe me një qytetar nga Laci.
Ky i fundit u prezantua edhe si socialist, ku i ka cilësuar demokratët si ‘të qelbur’, pasi i kishin hequr nga puna nusen dhe ka nisur t’i ankohet kryeministrit.
Debati
I moshuari: Jam socialist, demokratët e qelbur më kanë hequr nusen nga puna…
Rama: Lëre këtë muhabet tani
I moshuari: Më ke djeg nusen, ma ke heq nga puna nusen dhe është në shtëpi
Rama: O zotëri të lutem shumë mbylle këtë muhabet, unë nuk heq njëri nga puna. Lëri këto, demokrat i qelbur, demorkat kështu e ashtu.
I moshuari: Është pa bukë, o kryeministër, është pa bukë! Ka fëmijë dhe ka ngelur pa puna
Rama: A ka mundësi ta mbyllësh tani? Ik e largohu na lër rehat. Lëri këto muhabet, unë po them nuk heq njeri nga puna e nuk fus njeri në punë. S’kam ardhur për nusen tënde këtu.
I moshuari: Po të them që është pa bukë
Rama: Nusja të dalë ta gjejë vetë punë, jo të dalë vjehrri të kërkojë punë për nusen. Leri more demokratët e qelbur, çfarë i keni këto që thoni. Nga termeti keni pas probleme? Kaq me thuaj. S’iu vjen zor, s’iu vjen. Largohu..Ik mos më shqetëso. Demokratët e qelbur thotë. Largohu boll, s’ke turp
