Mëngjesin e sotëm një aksident automobilistik është shënuar në autostradën Tiranë-Durrës, pranë QTU-së.
Mësohet se një makinë ka humbur kontrollin duke u përplasur me bordurën e rrugës dhe më pas ka rënë në kanal.
Mjeti është rrokullisur dy herë duke pësuar dëmtime të shumta.
Sipas informacioneve drejtuesi i makinës ka mbetur i lënduar dhe është dërguar në spital.
Shkak për këtë aksident dyshohet se është bërë shpejtësia tej normave të lejuara.
Policia dhe grupi hetimor kanë mbërritur në vendngjarje dhe po hetojnë për zbardhjen e shkaqeve dhe rrethanave të aksidentit.
