Sot rinis mësimi, por këto janë shkollat që NUK u hapën në Tiranë

Pas ndërprerjes dy javore për shkak të tërmetit, nxënësit në Tiranë, Durrës, Vorë dhe Kurbin kanë rinisur mësimin me urdhër të ministres së Arsimit Besa Shahini.

Si pasojë e tërmetit të 26 nëntorit që la pas 51 viktima, mbetën të shkatërruar dhe shumë objekte, ku përfshiheshin dhe shkolla, ku 30 prej tyre dolën jashtë funksionit dhe automatikisht 15 mijë nxënës të këtyre institucioneve do u mundësohet transferimi në godina të tjera të quajtura si shkollat pritëse.

Gjithsej në Tiranë janë dëmtuar 8 shkolla dhe sipas akt-ekspertizës kthimi i nxënësve në ato ambiente përbën  rrezik.

Në tabelën më poshtë gjeni emrat e objekteve arsimore me probleme, bashkë me zgjidhjen e përkohshme që kanë gjetur ekspertët e Ministrisë së Arsimit për nxënësit, të cilët janë adresuar pranë shkollave më të afërta.
Për shembull, 1440 nxënësit e gjimnazit “Sami Frashëri”, ku mësohet të ketë rënë tavani i katit të tretë, do të shpërngulen te “Qemal Stafa” dhe “Sinan Tafaj”.

Emri i shkollës Shkolla Pritëse
“Sami Frashëri” “Qemal Stafa” dhe “Sinan Tafaj”
“16 Shtatori”, Pezë Godinë e gjetur
Kopshti Tufinë “Pal Engjëlli”
Shkolla Pajun Ambient me qira
Pezë e Vogël “Seit Brahja”
“Lasgush Poradeci” “Myslym Keta”
“Murat Toptani” “26 Nëntori”
“Musine Kokalari” “Betim Muço”