LIGJET E BIZNESIT
Gjatë natës që sapo lamë pas, në Firence të Italisë është regjistruar një tërmet me magnitudë 4.5 ballë të shkallës Rihter.
Epiqendra ishte në Scarperia San Piero dhe thellësia 9 kilometra.
Lëkundjet mësohet se kanë nisur në orën 04:37 dhe banorët të alarmuar kanë lënë menjëherë shtëpitë e tyre.
Sipas informacioneve këto lëkundje kanë qenë të forta.
Më herët u regjistruan edhe lëkundje me magnitudë më të vogël.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Konkretisht Nga ora 03:38 deri në 03:55, ka pasur pesë goditje në Scarperia San Piero, njëra prej të cilave ishte me magnitude 3.4.
Një tjetër tërmet 4.4 ballë u regjistrua në Barberino del Mugello, periferi e Firences. Lëkundje të tjera me intensitet më të vogël pati në Scarperia San Piero deri në orën 5.29. Ekspertët thonë se goditja e madhe u ndje edhe në Firence qytet dhe Pistoia.
Deri tani raportohen dëme materiale, linjat hekurudhore janë të pezulluara dhe shkollat e mbyllura përkohësisht.
Mbrojtja civile ka nxjerrë të dhënat e para ku thuhet se ka ndërtesa të dëmtuara në Scarperia San Piero dhe Barberino.
Njerëzit në panik kanë lënë banesat edhe si pasojë e frikës së krijuar në vijim nga pasgoditjet dhe kanë kaluar natën në makinë.
