Tiranë, ndizen qirinj në sheshin “Skënderbej” në nder të viktimave të tërmetit

Tërmeti i fuqishëm i ditës së martë, bëri mjaft shqiptarë bashkë. Mbrëmjen e sotme artistë të shumtë dhe qytetarë të Tiranës janë bashkuar në ‘Sheshin Skëndërbej’ ku kanë zhvilluar një marshim për nderim të jetëve të humbura nga tërmeti i 26 Nëntorit, e më pas kanë ndezur qirinj.

Tërmeti i 26 nëntorit la pas deri tani 49 viktima, 900 të plagosur dhe shumë banesa të rrënuara. Por shqiptarët janë bërë bashkë për t’i dhënë sa më shumë forcë të prekurve nga kjo fatkeqësi natyrore.