LIGJET E BIZNESIT
Një krim i rëndë ka ndodhur në Gjermani.
Sipas asaj që raportojnë mediat vendase, është vrarë me thikë djali i ish-presidentit gjerman, Richard von Weizsacker.
Krimi që tronditi Gjermaninë ka ndodhur në një spital të Berlinit, ku djali i presidentit me profesion doktor, Fritz von Weizsäcker, 59-vjeç, sapo kishte dhënë një leksion për sëmundjet e mëlçisë.
Si pasojë e sulmit mbeti i plagosur dhe një polic, i cili ka ndërhyrë për të neutralizuar agresorin dhe pse ndodhej jashtë shërbimit.
Por pavarësisht përpjekjeve, doktori nuk ka mundur tu mbijetojë plagëve të marra, duke vdekur në vend.
Ende nuk dihen arsyet e kësaj ngjarjeje të rëndë.
I dyshuari si autor, i moshës rreth 50-vjeçare është arrestuar nga policia.
Kujtojmë se babai i tij Richard von Weizsacker, shërbeu si president gjatë ribashkimit të Gjermanisë në vitet 1990.
