Dita e sotme shënon 6-vjetorin e vdekjes së ish-deputetit të Partisë Demokratike Sokol Olldashi, i cili u nda nga jeta tragjikisht pas një aksidenti automobilistik.

Në këtë ditë nuk kanë munguar as shkrimet e të njohurve dhe miqve, kolegëve të Olldashit, të cilët nuk kanë harruar ta kujtojnë ish-deputetin e ndjerë.

Njëri prej tyre është dhe kryetari i Partisë Demokratike Lulzim Basha.

Me anë të një reagimi në rrjetin social Twitter Basha ka postuar një fotografi në të cilën shfaqet krah të birit të Olldashit, Glaukut.

Kryedemokrati shkruan se Sokoli sot do të ishte krenar që të shihte se i biri ka ndjekur gjurmët e tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Sokol Olldashi do të ishte krenar të shikonte se si djali i tij i madh, Glauku, po ecën ne gjurmët e tij. Jam i bindur se Glauku, të rinjtë demokratë dhe rinia shqiptare do ta përmbushin me sukses misionin e Shqipërisë si gjithë Europa.
Na mungon Sokoli” – shkruan Basha në postim.