Disa muaj më parë ish-ministrja e Kulturës, Mirela Kumbaro u bë pjesë e një “skandali” ku përdori një shprehje jo etike të John Waters lidhur me librat.
E ftuar në “Thumbon”, Kumbaro sqaroi edhe njëherë shpërndarjen e shprehjes: Ne duhet të kemi sërish libra të mirë. Nëse shkon në shtëpinë e dikujt që nuk ka libra, mos u q* me të. Mos e lejo atë të të eksplorojë ty para se të eksplorojë universet sekrete të librit.
Në intervistën e saj, Kumbaro ka pranuar se kishte për qëllim tërheqjen e vëmendjes në mënyrë që ata që nuk lexojnë të rikthejnë “sytë” nga libri.
“Unë kam meritën që e përzgjodha dhe e rishpërndava. Mos shkoni në shtrat me dikë që nuk ka libra, sepse nuk do të dijë që t’ju kuptojë. Nuk do të dijë të futet në ndjenjat tuaja. E vetmja mënyrë për të tërhequr vëmendjen e atyre që nuk lexojnë ishte kjo. E gjeta shprehjen shumë të goditur. E tërhoqa vëmenendjen se katër vjet fushata me librin. Dhe ia pashë hajrin sepse pas asaj filluam një lëvizje kombëtare që kishte më shumë reagime. Ishte e gjitha e programuar,”-tha Kumbaro.
