LIGJET E BIZNESIT
Ditën e sotme Agron Tare, ka njoftuar dorëheqjen nga posti i drejtorit të Portit të Durrësit.
Tare, vëllai i Igli dhe Auron Tares, u emërua në këtë post më 23 janar 2019 dhe largohet nga detyra pas 9 muajsh.
“ Sot mbaron misioni im si Drejtor i Përgjithshëm Ekzekutiv i Autoritetit Portual Durrës”, njofton Tare, ndërsa paralajmëron se do të vijojë rrugëtimin profesional.
“Që prej marrjes së detyrës si Drejtor i Përgjithshëm Ekzekutiv i Autoritetit Portual Durrës, kam shërbyer më devotshmëri dhe pasion për punën, gjë që e tregojnë rezultatet e deritanishme financiare të këtij institucioni.
Dorëhiqem për të vijuar rrugëtimin tim profesional dhe duke i uruar pasardhësit/es tim/e suksese!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nuk mund të lë pa falenderuar ata që më besuan këtë pozicion të rëndësishëm, ekipin e APD-së, bashkëpunëtorë të mi, të afërt e të largët! Ciao a tutti, belli e brutti!”, deklaron Agron Tare duke i habitur të gjithë me shprehjen e fundit.
Kujtojmë se Porti i Durrësit ndodhet prej kohësh në vemendjen e strukturave dhe agjencive ligjzbatuese pas kapjes së sasive të mëdha të drogërave të forta, që vinin me kontenierë frutash nga vendet e Amerikës Qendrore.
