Ditën e sotme gratë banore të Unazës së Re kanë mbajtur një protestë përpara godinës së një hoteli në Tiranë kundër ambasadorit të Bashkimit Europian në Tiranë, Bernd Borchardt.
Disa prej parrullave që binin më shumë në sy janë: “Borchardt shporru nga Shqipëria” dhe “Shame on you- Turp të kesh!”.
Kërkesa dhe motivi i këtyre grave është gjesti i turpshëm që bëri ambasadori kundrejt tyre është gishti i mesit që u ngriti gjatë kohës që ato po protestonin në afërsi të Drejtorisë së Policisë.
Një grua pjesëmarrëse ka bërë me dije se do të protestojnë vazhdimisht pasi ndihen të ofenduara.
Nga ana tjetër ambasadori Borchard në momentin që është futur brenda ambienteve të hotelit, shumë pranë protestuesve, nuk ka bërë asnjë reagim edhe pse ato vijonin thirrjet kundër tij.
Sapo ka zbritur nga automjeti ai është futur menjëherë për në oborrin e hotelit.
