LIGJET E BIZNESIT
Tashmë është bërë e zakonshme që në Tiranë të shohësh përditë sesi shemben ndërtesa të vjetra të qytetit.
Por më e dhimbshme është kur shikon se si shkatërrohet historia e kryeqytetit që në çdo vend tjetër të Europës dhe botës mbrohet me fanatizëm.
E kundërta ndodh në vendin tonë, ku mania për të fituar para sundon edhe mbi traditën kulturore.
Asnjë nuk pyet për historinë që mbartin këto vende, përkundrazi ato sulmohen dhe shemben për interesa të disa njerëzve.
E njëjta gjë ndodh në mes të Tiranës, në rrugën e Elbasanit, ku vila e motrave të mbretit Zog po shembet pa pikë mëshire.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ajo që të vret më shumë është indiferenca e autoriteteve shtetërore, të cilët si gjithmonë zgjedhin të heshtin përpara kësaj masakre.
Nuk është hera e parë që kërkohet me insistim të shembet një ndërtesë që simbolizon historinë dhe kulturën e vendit, kujtojmë këtu debatin për teatrin Kombëtar.
Ende nuk dihet për sa kohë do të vazhdojë ky sulm ndaj këtyre ndërtesave historike, që në vend të restaurohen e t’i tregojmë me krenari botës për trashëgiminë tonë kulturore, jemi të detyruar të shohim pamje të tilla dhe të revoltohemi me indiferencën e shtetit që tashmë pothuajse është inekzistent.
