Mblidhet Komisioni Hetimor për shkarkimin e Metës, ja kur do të thirret presidenti për të raportuar

Presidenti Meta do të thirret në datën 6 shtator në Komisionin Hetimor që është ngritur nga mazhoranca për shkarkimin e tij.

Meta do të thirret për t’u pyetur në lidhje me dekretin e tij ku vendosi të anulonte zgjedhjet vendore të 30 qershorit.

Ndërkohë komisioni ka nisur mbledhjen ku do të diskutohen dy çështje:

Miratimi i procesverbalit të datës 15 korrik 2019 dhe miratimi i planit hetimor të komisionit.

Komisioni drejtohet nga Ulsi Manja i cili është njëkohësisht edhe kryetar i Komisionit të Ligjeve, ka gjithsej 9 anëtarë, 5 nga mazhoranca dhe 4 nga opozita.

Komisioni i Venecias do të sjellë në Tiranë një delegacion faktmbledhës për të kuptuar dhe më pas përgatitur opinionin për Kuvendin e Shqipërisë në lidhje me shkarkimin e Presidentit Meta.