Bushati del haptazi kundër Ramës: Të kërkojmë falje, kjo që ndodhi nuk duhet të përsëritet

Ish-ministri i Jashtëm, Ditmir Bushati pas mbledhjes së kryesisë së PS-së ka dalë haptazi kundër qëndrimit të partisë, i diktuar nga kryetari Rama.

Duke folur për gazetarët pas mbledhjes, Buashti u shpreh se ajo që ka ndodhur me Valdrin Pjetrin nuk do duhet të përsëritet dhe për këtë gjë është e nevojshme një reformë e brendshme në Partisë Socialiste.

“Natyrisht nuk është një çështje që trajtohet në mënyrë ligjore, apo dhe me shkarkime në masë të njerëzve që s’kanë asnjë lidhje me situatën e krijuar. Kjo i kalon muret e organizatës politike. Ne kemi përgjegjësi si politikanë për të hapur një debat dhe për të trajtuar nga rrënjët e këtë fenomen.

Rrënjët e tij kanë nevojë për një reformë politike brenda partive, që të sjell një kulturë të re politike, ku PS është dhe duhet të jetë paria e intelektit dhe progresit”,- tha Bushati, duke e konsideruar kështu të gabuar qëndrimin e Ramës për shkarkimin e gjithë drejtorëve të qarkut të Shkodrës.

Më tej, Bushati u shpreh se u takon atyre si politikanë që të kërkojnë falje për rastin në fjalë si dhe ta trajtojnë me përgjegjësi e ta shfarosin atë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ne na takon të njohim realitetin, përgjegjësinë politike dhe të themi dhe më fal për rastin në fjalë dhe të propozojmë reforma politike që ndërtojnë reforma komunitare për një brez tjetër politik. Ne kemi përgjegjësinë më të madhe për të trajtuar këtë fenomen dhe për ta shfarosur atë. Atë që kemi bërë në të kaluarën kur larguam të inkriminuarit nga Partia, u përshëndetëm nga Amerikanët, por u rikthyem sërish aty ku kemi qenë”,- përfundoi Bushati.