LIGJET E BIZNESIT
Komisioni Europian ka dënuar përdorimin e dhunës gjatë protestave në Tiranë dhe qytete të tjera të Shqipërisë, duke kërkuar që personat përgjegjës të mbajnë përgjegjësi përmes një procesi të rregullt ligjor. Në reagimin e tij, Komisioni Europian dënon zjarrvëniet, sulmet ndaj institucioneve shtetërore dhe shkatërrimin e pronës publike dhe private, duke theksuar se dhuna nuk ka vend në një shoqëri demokratike.
Sipas KE-së, edhe reagimi ndaj akteve të dhunës duhet të jetë në përputhje me ligjin dhe proporcional me situatën.
Deklarata e plotë:
“Dënojmë përdorimin e dhunës në Tiranë dhe qytete të tjera të Shqipërisë, përfshirë zjarrvëniet, sulmet ndaj institucioneve shtetërore dhe shkatërrimin e pronës publike dhe private. Dhuna nuk ka vend në një shoqëri demokratike dhe reagimi ndaj saj duhet të mbetet brenda ligjit dhe të jetë proporcional.
Personat përgjegjës duhet të mbajnë përgjegjësi përmes një procesi të rregullt ligjor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Liria e tubimit dhe e shprehjes janë të drejta themelore dhe vlera thelbësore evropiane, të cilat duhen respektuar dhe ushtruar në mënyrë paqësore.
Përshëndesim angazhimin e autoriteteve shqiptare se e drejta për të protestuar do të mbrohet.
Në një vend kandidat, të angazhuar fort në procesin e anëtarësimit në Bashkimin Evropian dhe që po bën përparim të rëndësishëm në rrugën drejt BE-së, pakënaqësitë duhet të trajtohen përmes dialogut konstruktiv dhe në mënyrë paqësore.”
