I nxorën foton nga plazhi në Greqi, reagon kryebashkiaku i Përrenjasit

Një foto e pretenduar se është e kryebashkiakut të ri të Përrenjasit, Nuri Belba bëri xhiron e rrjeteve sociale.

Gazetari grek që e publikoi, pretendonte se Belba po pushonte në Greqi, duke dalë kështu kundër urdhrit të kryeministrit Rama për të nisur menjëherë nga puna për të gjithë kryebashkiakët e rinj.

Por pa kaluar shumë nga ky publikim, ka ardhur edhe reagimi i Nuri Belbës. Përmes një postimi në rrjetet sociale, Belba tregon se si është e vërteta e tij.

Ai e cilëson këtë foto të sajuar dhe se ai për momentin është në krye të detyrës. Këtë publikim ai e cilëson një sulm të ultë të ish-kryetares së Përrenjasit, Zamira Rira.

Postimi i plotë i Nuri Belbës:

Kur humbet udhën e arsyes edhe mundësinë për të vijuar me abuzimet ,s’të ngel gjë tjetêr veçse të kapesh pas sajesave .

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Është për të ardhur keq që gazetari grek i përdorur nga ish-kryetarja është ne të njejtin standart me ish gazetaren që eshte paguar për kater vite më kot .

Une kam pushuar në bregdetin tonë edhe jo në plazhin grek ashtu siç aludojne nëpër portale , kjo është lehtesisht e vertetueshme, por edhe fotoja e publikuar nuk eshte e imja sepse kjo foto qarkullon prej tre vitesh nëpër kazanet e paguara nga Ish-kryetarja që ka kuptuar që loja e piset e saj ka mbaruar edhe i ngel vec të njollos figurën time, me imagjinatën e vobëkt skenari i së cilës vjen nga sikleti i perballjes me drejtesinë.

Koha per mua është shume e vyer edhe jam i vendosur ta perdor per t’iu sherbyer banoreve, por ne asnje moment nuk do anashkaloj kurresesi pa i vene para drejtesise gazetarin grek edhe “kolegen ”e tij Mirandën e cila nuk do te ketë vetëm kallzimin penal për shpifje por edhe per çdo abuzim dhe vjedhje qe ka bere gjate 4 viteve qeverisje ne Prrenjas .