Sulmohet autobusi i Kosovës në Serbi/ Udhëtarët tregojnë tmerrin

Një autobus i Kosovës është sulmuar në orët e para të mëngjesit në Serbi, afër Krushevcit.

Ngjarja ka ndodhur rreth orës 02″00 të mëngjesit të kësaj të diele, por fatmirësisht nuk ka persona të lënduar.

Në një prononcim për gazetën “Ekspress”, një nga dëshmitarët ka treguar për tmerrin që kishin përjetuar udhëtarët, teksa tha se guri është hedhur në xhamin tek shoferi.

“Mbrëmë rreth orës 02:00, pas mesnate është sulmuar me gur autobusi  i kompanisë Shpejtimi me tabela shqiptare afër Krushevcit.

Pas sulmit me gurë, të gjithë gra e fëmijë filluan duke qarë, u frikësuan”, u shpreh ai.