E rëndë, gjendet një person i pajetë pranë lumit (EMRI)

Një trup i pajetë është gjetur mëngjesin e sotëm pranë lumit Devoll në Gramsh.

Trupi i viktimës është gjetur në fshatin Cekrez.

Policia bën me dije se viktima është Besnik Tabaku, rreth 50 vjec.

Nga mbikëqyrja e trupit nuk janë konstatuar shenja dhune.

Mësohet se Tabaku është larguar nga banesa dje rreth orës 17.00 dhe nuk është kthyer më.

Kjo gjë ka vënë në alarm familjarët të cilët kanë njoftuar policinë dhe pas kërkimeve ai u gjet i pajetë pranë lumit.

Grupi hetimor vijon punën për zbardhjen e plotë të rrethanave të ngjarjes.