LIGJET E BIZNESIT
Kur kanë kaluar tre ditë tashmë nga sherri i bujshëm mes pronarit të restorant “Panormës” në Himarë dhe turistëve spanjollë, ende nuk ka një version të qartë të asaj që ndodhi brenda në lokal që solli degjenerimin e situatës.
Mihal Kokëdhima deklaroi dje para trupit gjykues se nuk kishte bërë asgjë, dhe se i kishte ndjekur turistët pasi ata ishin larguar pa paguar dhe donte të merrte paratë.
Por në një reagim për BIRN, kryebashkiaku i Himarës Jorgo Goro ka dhënë një version tjetër për shkakun e sherrit që pushtoi rrjetin dhe u përhap në masë.
Goro tha se konflikti ka nisur pasi turistët kanë hyrë në lokalin e Kokëdhimës. Sipas Goros ata fillimisht kanë porositur peshk për 7 persona, më pas kanë gjykuar se ishte shumë ushqim duke thënë se do të ishte e mjaftueshme një sasi për 5 persona. Ka qenë ky momenti kur Kokëdhima i është afruar tavolinës së turistëve me kërcënime dhe kanosje. Videot e tjera të konfliktit janë administruar nga autoritetet.
Ndërkohë Gjykata e Vlorës vendosi masën e sigurisë “Arrest me Burg”, për biznesmenin Mihal Kokëdhima, i cili u var në kofanon e furgonit të turistëve spanjollë, për tre kilometra, duke thyer xhamin e duke vënë në rrezik jetën e tij dhe të të gjithë pasagjerëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
