6 turistë gjermanë, të cilët për afro 6 orë kishin humbur rrugën në zonën pyjore Borsh-Kuç iu ka ardhur në ndihmë Policia Kufitare e Sarandës.
Turistët gjermanë kryesisht të moshave të reja po udhëtonin me një fuoristradë, por më pas humbën orientimin, duke u sorollatur për disa orë, pa ditur se ku po shkonin.
Pas marrjes së njoftimit, shërbimet policore kufitare të Sarandës u vunë në lëvizje duke ndjekur të gjitha metodat, ndërsa fatmirësisht arritën të lokalizonin turistët që kishin humbur orientimin mes pyjeve.
Ata janë në gjendje të mirë shëndetësore. Ndërkohë janë shoqëruar turistët gjermanë në hotelin ku ata ishin të akomoduar në Ksamil.
