Humbën në malësinë e Kuçit, policia shpëton për mrekulli 6 turistët gjermanë

6 turistë gjermanë, të cilët për afro 6 orë kishin humbur rrugën në zonën pyjore Borsh-Kuç iu ka ardhur në ndihmë Policia Kufitare e Sarandës.

Turistët gjermanë kryesisht të moshave të reja po udhëtonin me një fuoristradë, por më pas humbën orientimin, duke u sorollatur për disa orë, pa ditur se ku po shkonin.

Pas marrjes së njoftimit, shërbimet policore kufitare të Sarandës u vunë në lëvizje duke ndjekur të gjitha metodat, ndërsa fatmirësisht arritën të lokalizonin turistët që kishin humbur orientimin mes pyjeve.